قمة المعاناة عند البنات العزوبيات ..... يا حرام .... ممنوع

احم احم الصوت كويس ؟؟

أول شي أحلى سلام و تحية لأقدع بنات في الحتة و العزوبيات

وش نقول عنهم ؟؟

يا أما معصقلة تقولون جايتن من مجاعه

اللهم يا كافي إذا وقفت على الميزان يكشر ويقول على ايش !! ..وعروق يدينها طالعه كنها اسلاك طبلون

وجهها داخل كنه سر ... يعني خدود انسى

البشره عدام انواع حبوب الشباب تقول خبزة همبرجر

بعد عيني كله من التفكير وروحات المدرسة نقول عنها مكافحة المستقبل

وماتتحسن نفسيتها وشهيتها الا بعد الزواج بشهرين تعال عاد شف التميلح والثقة بالنفس اللي موب بمحلها

تجي تستفرد بالعزابيات اللي كانت يوم من الايام منهم وانواع الوصفات تطلع ذاك الوقت استشارية تغذية

وتتفلسف خذي كذا واتركي كذا وش معنى يومك عزوبيه وين السمنة استنكرت باربي الخليج لول

المهم نكمل

و إذا ضاعت دايما تلقونها مندسة بين الحريم تتلزق بهم يعني إني عشان تكسب خبرة للمستقبل ويقالها بتطلع سنعة

و أكثر ما تتلصق بالحريم الكبار خاصة اللي لهم عيال يدرسون برا

تفكيرها محصور دايما ب المطبخ تحاول تتعلم أشياء جديدة و غريبة

تنافس بنات الجيران و بنات العمان عشان تصير أكوس وحدة فيهم وآخرتها صينية حلا كويس هذي على الاقل

مستفيدة من حصة التدبير نقدر نقول برافو وعقبال مانشوفك اكوس بنوته بالحاره شدي حيلك شوفي مستقبلك

وعقبال مانشوفك خبيرة بيض مسلوق قولوا يارب

ايه المهم

خاصتن لا صاروا بيجون مجموعة حريم كبار و عندهم عيال ب عمر الزواج تلقونها أنواع الكريمات و الخلطات على الوجه

و الشعر ما تخلي شي بالثلاجة ما تجربه

المشكلة ليته يفيد في هالخشة ..

تحاول دايما في لبسها تلبس أشياء دئة أديمة بالمصري

يعني ذوق عجز بالسعودي

عشان تلفت انتباه العجايز برضوا شغل ذرابه

علشان يقولون وش ذا السنعه وش ذا اللي من جيل السبعينات

و إذا انفتح لها المجال بالسواليف عند الحريم تسولف بصوت واطي يعني اني أستحي مو كلهم ترا بعضهم ملوسنات

و تقول ماعمري طلعت السوق بحياتي الا مرتين ماحب الأسواق أصلا و ما عمري رحت بدون أبوي و تراي أنا اللي

أصلح سندوتشات الفسحة حقات اخواني كل يوم الصبح

هذي هي نفس السالفة تنعاد في كل مجلس حريم .. سبحان الله ما تمل ..؟

كل شي يهون و لا إذا جاء ولد الجيران من برا زيارة لأهله تقعد كل يوم تتفنن بالحلويات و الطبخات أشكال و ألوان

طبعا غصب تتعلم خاصة اللي القطار حقها يغني المسافر راح لول و ترسل لهم مع اخوانها الصغار و تحط معهم

منديل معطر على بالها تغريه

بس جاي من برا ما همه حلى و لا خرابيط جاي متعود على فرينش فرايز و برقر و هي يا غافل لك الله

تحاول تحط لمساتها في كل زاوية من زوايا البيت هذا اللي يسمونه فراغ العاطفة تتعلم قبل لايجي فارس الاحلام

نفس الشي حركات تميلح وترزز عشان لا جاهم ضيوف يعرفون إن هي اللي مسوية هالشي

تلقونها مجمعة كم تحفة على كم مفرش بالصالة و المجلس الله من زين الذوق مو كلهم خاصة ربع ابو ريالين لولز

و تجيب لوحة جاهزة طبعا و تحط توقيعها تحت بالزاوية يعني إني فنانة و إحساسي مرهف

و غرفة النوم شي ثاني .....

تلقى على السرير خمسين عروسة مدري هي وين تلقى مكان تنام فيه بينهم

تسوي بروفات عليهم لحلم الأمومة

يعني إني بتعود أصير أم من الحين

لا عاد الا موضوع التسريحة حقتها تعال شف ..

علك حق البارح ملصقته على التسريحة أبي اعرف ليش

يعني تتوقعين بيتفاعل وبيطلع بترول

ريحة كريم ابو ورده تعور راسك

زيت دابر شغل التميلح الا يطلع شعري ناعم

انواع الشعر جوات دروج التسريحه وانت عند باب الشارع تشم ريحة الاستشوار بلا.. والله موقف في شوشتها الله يذكر

ايامك يالاستشوار الاحمرهذاك اللي اذا سخن حطوه عند مكيف

ملابسها.. برا.. الدولاب انواع الرفاله لبسها كله على الشماعه عبايتها مشهبة من كثر المشاوير

انواع كريمات صدوع الرجلين يعني مسكينه حتى اذا جت تنام ماتقدر ازعاج رجولها في المفرش يصحيها من عز نومها

لولز وانا اقول وش رافع سعر الفازلين

هذا شيء من لاشيء والخافي اعظم وش نسوي بعد مانقدر نجرحها ونحكي عن عزوبيتها اكثر

بعدين تنجرح اوتش

ولا الشعر تلقاه طويل مقرف و لونه أحمر من الحنا و أشهب و رايح فيها

و كله من تحت متقصف و تلفان و منتهية مدته قاعدة تربيه طول عمرها عشان أم الجيران العجوز تمدح و تقول يازين

الشعر الطويل كركر مشكله اللي شعورهم شويه ولا نتيفتين لولز

و لو راحت زواج ما تسوي شي بالشعر تخليه كذا نازل و بس ترقص عشان يقولون ما شالله عليها بنت فلان حركة

ما تدري إنهم يصفقون لها قدامها و من وراها يقولون ياربي تهبط شياطين هالبنت و ياربي لا تبلانا في بناتنا

و تلبس الكعب شبرين عشان يقولون ما شالله على هالطول و هالرزة ولا طولها طول ((بيكاتشو)) اذا مشت بدون كعب

نرجع لموضوع ولد الجيران اللي مسافر برا يدرس

تقعد تدعي مع كل صلاة و تتهجد بالليل إنه يرجع بالسلامة

و تقعد تدور في الكتب و بكل مكان عن طبخات و حلويات أشكال جديدة عشان رجعته قربت

فجأة

يرجع متزوج أجنبية صديقته بالجامعة

و تنهار نفسيا و تتحطم و تجيها جلطة و تروح فيها و تموت

و إنا لله و إنا إليه راجعون

:

ارجع و أقول على عيني و راسي كل العزباوات يعني لا تسوون فيها ترانا زعلنا لولز

مردنا لكم جعلكم تعرسون وحنا قبلكم لولز

تصدقون حسيت بتأنيب الضمير لما نزلت لكم الموضوع لكن

نويت اهدي اللعب مع الشباب شوي

تحياتي لكم

اوووف قويه ...هههههههههه

.. بس والله العزوبيه لها كمان طعم حلوو

الله يعرس كل عزوبيه ان شاء الله

الاقوى نورك يا btbt اللي عم المكان

اكيد احلى شي العزوبيه بلى مسؤليه وبلى هم رجال يقعد لتس بالرايحه والجايه

اميييييييييييييييييييييييييين يا رب وياتس

» شي طبيعي .. لو يغـآآرون ≈ البنات